قلب اللوز الجزائري للسيدة خيرة باشا /2018-2019/

السلام عليكم 

اقدم لكم اليوم وصفة من وصفات السيدة باشا الغيليزانية

قلب الوز

1 كغ سميد
1 كغ سكر
1 كاس زبدة ذايبة
1 كاس و نصف ماء الزهر
ملح

الطريقة

في قصعة نحطو السميد + 500 غ سكر + الملح و نخلطو + الزبدة و نخلطو مليح كيما نمحرو المقروض و مبعد نرشو ماء الزهر و نخلطو غير برؤوس الاصابع
ندهنو بلاطو بالزبدة و نحطو الخليط و نعدلوه من فوق و شكلي مربعات
السر في قلب اللوز هو الفرن لازم نسخنوه مليح مليح قبل ما نحطو قلب اللوز يطيب ، و كينحطوه نديروها نار متوسطة
خليه حتان يحمار على الجوانب طفي من تحت و شعلي من فوق باه يحمار
كي يكون يطيب نخدمو السيرو
1 لتر + ربع ماء
500 غ سكر
نديرهم مع بعض و نبدا نحسب 20دقيقة من بدأ الغليان و نطفي و نخليه يبرد
كي يطيب قلب اللوز اسقيه بالشاربات الباردة و رجعيه للفور يكون طافي خليه حوالي 10دقائق في الفور و مبعد خرجيه و زيديلو الشربات باه يزيد يشرب ، و خليه يرتاح